este era o de onte, luns

Bos días. Chámese eufemismo, chámese resignación.

Hoxe, empeza o cole. Escribo pois dende a cadeira azul do traballo, co meu rato inalámbrico e a pantalla plana de non sei cantas pulgadas; non quero dicir que sexa grande, se non simplemente que non sei as pulgadas que ten.
Non chove, aquí nunca o fai. As oito da mañá xa vas de manga curta e pantalón curto, fucking hot! Porén, así non da tanta sensación de fin de vrao. Todavía queda algo para cando saes do traballo, pois iso, alabado sea Diola.

O metro, incríbel instrumento de alienación humana, xa forma parte outra vez da miña vida cotiá. Lendo agora o Retrato de Dorian Gray (retomo a carreira leitora que che proporcionan os meios de transporte da generalitat) , non fixen mais que observar as caras do meu redor a procura da beleza da que tanto se fala no libro. A procura dunha cara, unha faciana magnificamente bela. Asexando unha beleza tan extrema que che pode facer caer as bágoas. Non cheguei a tanto, non oh! pero tampouco foi tan difícil atopar un rostro perfecto, lindo, inmaculado. Na séptima parada, aprox., Paralel, sí. Era unha muller guapísima, loira, con ollos grandes e cara doce.Cutis perfecto. Probablemente sería modelo, digoo porque saía nun cartace de publicidade. En fin, que era unha foto. Anunciaba unha xoias que fai agora a marca de reloxos, Swach (escríbese así?), ¡menuda merda de pulseira! O caso é que alguén podía ver a mesma imaxe e pensar que a pulseira era preciosa, e aínda pior, poderían ver a rapaza e pensar que era fea.
en definitiva, e como primeira conclusión do día: a beleza é relativa. Aínda digo mais: todo é relativo. Para dicir isto, Einsten estivo muito tempo da súa vida resolvendo ecuacións diferenciais de 9º grao polo menos. Eu (léase distinto de EEUU), somentes tardei quince minutos, e ademais con sono. ¿Qué teorías sería quen de sacar nun momento de concentración pura? Como diría meu pai neste momento e o meu respecto, "a ignorancia é moi atrevida".

boa incorporación persoas, e ánimo, que soio quedan cinco días pró sábado!